|
|
|
 |
ОСНОВЕН СУД ВИНИЦА
НАДЛЕЖНОСТ
 Законот за судовите (Службен весник бр.58/06)
(1)Основните судови со основна надлежност за подрачјата за кои се основани, се надлежни да одлучуваат во прв степен по кривични дела и прекршоци, и тоа:
- за кривични дела за кои со закон како главна казна е определена казна затвор до пет години, ако за некои кривични дела не е предвидена надлежност на друг суд,
- за кривични дела за кои со посебен закон е определена надлежност на суд со основна надлежност,
- да спроведуваат истрага или истражни дејствија за кривични дела од својата надлежност,
- за сите видови прекршоци, освен за прекршоци кои со закон се ставени во надлежност на орган на државна управа или органиџација или друг орган што врши јавни овластувања и
- за жалби и приговори за постапките за кои се надлежни овие судови.
(2) Основните судови со основна надлежност се надлежни да одлучуваат во прв степен по граѓански спорови, и тоа:
- за спорови во имотно-правните и други граѓанско-правни односи на физички лица, чија вредност е до 15.000 евра во денарска противвредност, доколку со закон не е предвидена надлежност на друг суд,
- за спорови за утврдување и оспорување на татковство, мајчинство, утврдување на постоење на брак, за поништување на брак и развод на брак,
- за законска издршка,
- за чување и воспитување на деца,
- за смеќавање на владение,
- за доживотна издршка,
- за надоместок на штета која не надминува 15.000 евра во денарска противвредност,
- во постапка за обезбедување и извршување,
- за работни односи,
- во спорови од наследно-правни односи,
- да водат тапии и
- за други работи утврдени со закон.
Основниот суд во Виница е основан за подрачјето на општината Виница.
последна промена на 08.06.2009 г.
СУДСКА АДМИНИСТРАЦИЈА
За редовно функционирање на Основниот суд Виница, се грижат вработените во судската администрација:
Приземје, соба број 1,
Приземје, соба број 2,
Приземје, соба број 3,
Приземје,
Приземје,
Први кат, соба број 4,
Први кат, соба број 5,
Први кат, соба број 6,
Први кат, соба број 7,
Први кат, соба број 8,
Први кат, соба број 9,
Први кат, соба број 10,
последна промена на 25.06.2010 г.
ИМАМ ПРАВО ДА ЗНАМ (пристап до информации од јавен карактер)
Почнувајќи од 1 Јули 2009 година, во просториите на Основниот суд Виница постои канцеларија за информации и односи со јавноста и овластено лице кое ги води работите во канцеларијата.
Основна намена на канцеларијате е приближување на работата на судот (и судската организација во целина) кон граѓанинот, како и едукација и запознавање на граѓанинот како субјект во работата на судот, со неговите права и можности за информирање за работата на судската организација.
Секој има право на достапност на информациите од јавен карактер, а јавните институции имаат соодветна должност на јавноста да и овозможат пристап.
Доколку и на Вас како граѓанин Ви е потребна информација од јавен карактер, согласно Законот за слободен пристап на информациите , можете да се обратите до судот како имател на информации.
Судот располага со следните податоци од јавен карактер:
- судски вештаци,
- преведувачи и толкувачи,
- нотари,
- адвокати,
- извршители
- информации од јавен карактер за судското работење
Канцеларија за информации и односи со јавноста се наоѓа во просториите на Основниот суд, кат 1, соба број 9. Контакт телефон (033) 361 755 локал 16. Со работата на канцеларијата раководи Госпоѓа Елена Јованов, стручен соработник во судот.
 Прв и основен чекор кон пристапот на информацијата која ја барате е пополнување и доставување на пополнетиот образец Барање за пристап на информации од јавен карактер.
Пополнетиот образец го доставувате во Канцеларијата за информации и односи со јавноста. По приемот на образецот лицето кое раководи со Канцеларијата ќе Ви достави првични информации за тоа како и кога најбрзо можете да ги добиете бараните информации. Ако постои било каква пречка информацијата да Ви биде доставена, одговорното лице ќе Ве извести за причините за одбивањето или за неможноста за пристап до бараните информации.
Ако во целата постапка почуствувате дека се прекршени Вашите права како барател на информација за пристап до јавни информации, пополнете го образецот Жалба за пристап на информации од јавен карактер и истиот доставете го Канцеларијата за информации и односи со јавноста, кое пак од своја страна ќе го достави до Комисијата за заштита на правата за слободен пристап на информации во Скопје.
последна промена на 02.12.2009 г.
УПАТСТВА, ЗА ИЗДАВАЊЕ НА ДОКУМЕНТИ ОД СУДОТ .gif)
Почитувани сограѓани, подолу се опишани постапките за издавање на најчесто користените документи: потврди и уверенија, од Основниот суд Виница, според новиот Закон за судски такси, објавен во Службен весник на Република Македонија број 114 од 2009 година (законот можете да го преземете тука).
За да се намалат или отстранат проблемите при издавањето на Вашите документи, Ве молиме, внимателно прочитајте ја постапката за издавање на документот за кој се интересирате, за да можете полесно, истиот, да го добиете.
Ако ова упатство не е доволно (или не е доволно јасно) слободно поставете прашање, користејќи ја контакт страната. Ако имате потреба од појаснување на постапката за добивање на документ кој не е наведен овде, контактирајте не на претходно наведениот начин и наведете за кој -(и) вид- (ови) на документ-(и) станува збор.
1) Уверение за неосудуваност
(дека нема заведено обвинителен акт кој влегол во правна сила, ниту пак се води истрага пред Основен суд Виница и Основен суд Кочани)
- образецот за поднесување на молбата за издавање на уверението можете да го преземете во судот или тука.
- молбата пополнете ја со кирилично писмо на рака или на машина за пишување,
- задолжително наведете во колку примероци сакате, Вашето Уверение, да биде издадено (најмалку еден),
- молбата се таксира со 80 денари судски марки и задолжително се заверува во Основен суд Кочани (приземје, десен влез, соба број 4- Кривично одделение). Основен суд Виница молбите ги испраќа во Основен суд Кочани еднаш неделно. Ако Ви се брза со издавањето на уверението неопходно е молбата лично да ја однесете во наведената просторија во Основен суд Кочани за заверка,
- По заверката, за уверението уплаќате 240 денари на трезорска сметка на Народна банка и уплатницата ја доставувате на службеникот во Основен суд Виница, на приземје, соба број 1 (Г-ѓа Николина Гоцевска ).
Ако во молбата сте навеле дека сакате повеќе од еден примерок од уверението, за вториот, треттиот и секој следен примерок на уплатницата доплаќате уште по 80 денари од примерок.
На сликата подолу е прикажана уплатница (образец ПП50) правилно пополнета:
-Службеникот го издава уверението истиот ден по донесувањето на молбата и уплатницата како потврда за платени такси. Службеникот ќе ве извести за точното време за преземање на уверението од судот.
2) Потврда дека нема забрана за вршење на дејност
(дека во овој суд не е изречена казна забрана за вршење на професија, дејност или должност, по член 38Б од Кривичниот закон или санкција по чл. 22 од Законот за прекршоци)
- образецот за поднесување на молбата за издавање на потврдата, можете да го преземете во судот или тука,
- молбата пополнете ја со кирилично писмо на рака или на машина за пишување. Задолжително пополнете ги полињата со матичен број (ЕМБГ) и број на лична карта како и број на примероци кои Ви се потребни ,
- Молбата се таксира со 80 денари судски марки ,
- за потврдата уплаќате 240 денари на трезорска сметка на Народна банка и уплатницата ја доставувате на службеникот во Основен суд Виница, на приземје, соба број 1 (Г-ѓа Николина Гоцевска ).
Ако во молбата сте навеле дека сакате повеќе од еден примерок од; потврдата, за вториот, треттиот и секој следен примерок на уплатницата доплаќате уште по 80 денари од примерок,
На сликата подолу е прикажана уплатница (образец ПП50) правилно пополнета:
-Службеникот ја издава потврдата истиот ден по донесувањето на молбата и уплатницата како потврда за платени такси. Службеникот ќе ве извести за точното време за преземање на потврдата од судот.
3) Барање за заверка на документи со апостиле печат
- Образецот за барањето го преземате во судот или тука.
- Барањето пополнете го со кирилично писмо на рака или на машина за пишување. Задолжително изберете како сакате да биде заверен документот: на оргиналот или на бел лист,
- Барањето за заверка го таксирате со 100 денари судски марки,
- за заверка уплаќате 300 денари од апостиле печат (значи, на колку документи се стави апостиле пeчат, толку пати по 300 денари) на трезорска сметка на Народна банка и уплатницата ја доставувате на службеникот во Основен суд Виница, на приземје, соба број 2 (Г-дин Гроздан Пешов ),
На сликата подолу е прикажана уплатница (образец ПП50) правилно пополнета:
-Службеникот ги издава заверените документи истиот ден (или најмногу еден работен ден подоцна) по нивното поднесување. Службеникот ќе ве извести за точното време за преземање на документите од судот.
Примерок од пополнетите уплатници можете да преземете тука.
последна промена на 17.08.2010 г.
НАЈЧЕСТО ПОСЕТУВАНИ СТРАНИ И ВРСКИ
последна промена на 13.08.2010 г.
Денес е г.- Последна промена на 3 септември 2010, 13:30 - () посетители.
|
|
- Историјат
- Судска Зграда
- Годишни Извештаи
- Местоположба
- Контакт
Историјат
Почетоците на Основниот суд во Виница датираат од 15.03.1978 година од кога е основано Судското одделение во Виница во состав на Општинскиот суд Кочани. До 1989 година бил лоциран на ул.Кирил и Методиј, од каде судот е преместен на денешната локација на улица „Бел Камен“ бб во Виница. Судското одделение во Виница за свои раководители ги имал судијата Димитар Коцанов, Трајче Христов и Симеон Пешов.
Основниот суд во Виница со работа отпочна на 01.07.1996 година, основан е со Законот за судовите (Службен весник бр. 36/95 од 27.07.1995 година ), како единствено нов суд во Република Македонија. До почетокот на 1996 година за подрачјето на Општина Виница функционирал посебен Општински суд за прекршоци, но со донесувањето на новиот закон споровите од прекршочната област преминуваат во рамките на надлежноста на новооснованиот Основен суд Виница. Структура на судска зграда
Зградата на Основниот суд Виница е двоспратен објект, со приземје и спрат. Фотографијата подолу го прикажува објектот виден од влезот во дворот на судот.
Приземје
На приземјето се сместени архивата,судската полиција, телефонската централа, судската писарница за прекршочно и извршно одделение, судска писарница за граѓанско и кривично одделение, оддел за прием и експедиција, биро на благајникот, канцеларија за приправник и судската сала.
Прв кат
На први кат се сместени канцелариите на Претседателот на судот и на судиите заедно со записничарите ( пет на број) и две канцеларии за стручните соработници.
Сите простории во судот (вклучувајќи ги и заедничките) се климатизирани. Пристапот во судот за корисниците се оставрува преку стражарската служба која ги насочува, спроведува и надгледува пристапот и дивжењето на корисниците во заедничките простории на судот. Основниот суд Виница е сместен во старото централно градско подрачје во г радот Виница. Зградата на Основниот суд е сместена веднаш до зградата на Општина Виница со која го дели заедничкиот пристапен пат до новиот плоштад “Ангел Винички“.
Во близина на судот се наоѓаат и: Основното училиште “Славчо Стојемнски“, Полициската станица, Македонски пошти и просториите на Црвениот крст на Македонија.
Сликата подолу, ја прикажува, во размер, местоположбата на претходно наведените објекти, во однос на Основниот суд Виница.
На сликата подолу, со црвена боја е означен најчесто пристапниот пат до судот, за возилата кои доаѓаат од насока на Кочани и/ или од Берово.
 Подолу се наведени детални контак информации за судот:
Телефон - централа:
033 361 755
033 360 609
Телефакс:
033 361 239
Полна поштенска адреса:
Основен суд Виница
ул. “Бел камен“ бб
Виница 2310
Распоред на локални телефонски броеви:
Приземје, соба број 1(Архива) - локал број 14,
* Бранка Арсова, самостоен референт, уписничар во граѓанско одделение;
* Николина Гоцевска, самостоен референт, уписничар во кривично одделение;
* Јадранка Иликовска, референт, прием и експедиција на пошта, извршител во писарница.
Приземје, соба број 2 (Благајник) - локал број 12,
* Гроздан Пешов, самостоен референт, благајник, уписничар;
Приземје, соба број 3 (Извршно и кривично)- локал број 13 и 23
* Сузана Мехмед, самостоен референт, уписничар во прекршочно одделение;
* Иван Иванов, самостоен референт, извршител;
* Тања Јованова, помлад судски соработник.
Приземје (судска полиција) - локал број 11 и 22,
* Драган Николов, командир на судска полиција,
* Димче Атанасов, заменик на командир на судска полиција,
* Јордан Трајанов, припадник на судска полиција
* Ацо Петров, припадник на судска полиција,
* Ванчо Илиев, припадник на судска полиција,
* Гоце Стојчев, припадник на судска полиција,
* Алија Мехмедов, помлад референт за достава,
* Бекир Ганиов, помлад референт за достава,
* Благој Стојменов, помлад референт за достава,
* Нада Стојанова, помлад референт за достава,
* Никола Тренчовски, помлад референт за достава,
* Драган Стефанов, помлад референт за достава.
Први кат, соба број 4 - локал број 21,
* Љубчо Прокопенко, судија,
* Јагода Стојкова, референт, дактилограф.
Први кат, соба број 5 - локал број 20,
* Лилјана Илиева, референт, дактилограф.
Први кат, соба број 6 - локал број 19,
* Благој Цикарски, претседател на судот и судија,
* Јулија Андонова, референт, дактилограф.
Први кат, соба број 7,
* Даниела Костадинова Тиловска, судија,
* Даниела Костадинова Тиловска, судија,
Први кат, соба број 8 - локал број 17,
* Светлана Михаилова, референт, дактилограф.
Први кат, соба број 9 - локал број 16,
* Елена Јованов, судски соработник.
Први кат, соба број 10 - локал број 15,
* Славе Стефанов, судски соработник,
* Коле Илијев, судски соработник,
Електронска пошта:
sudvinica@t-home.mk
Skype корисничко име (online од 09:00 - 16:00 часот):
osvinica.mk |
|
| |
|
|